Afhentu verðlaun fyrir best skreyttu húsin á Sólseturshátíðinni
Verðlaunaafhending fyrir best skreyttu húsin á Sólseturshátíðinni, fór fram í síðustu viku en þá komu verðlaunahafar saman á bæjarskrifstofu, þar sem þeim var þökkuð þáttakan og verðlaun afhent.
Umhverfisnefnd og Sólseturhátíðarnefnd höfðu ákveðið að velja eitt hús í hverju hverfi og fyrir valinu urðu:
Rauða hverfi Lyngbraut 4 Hólmfríður Magnúsdóttir og Árni Guðnason
Gula hverfi Sunnubraut 18 Helga Björk Heimisdóttir og Rúnar Friðriksson
Græna hverfi Kjóaland 9 Sigrún Jónsdóttir og Hafsteinn Ársælsson
Appelsínugula hverfi Eyjaholt 5 Bryndís Rögnvaldsdóttir og Unnar Guðmundsson
Verðlaunagripirnir eru grjót úr Garðskagafjöru sem á eru steyptir glerbútar og glerperlur í litbrigðum hvers hverfis fyrir sig. Listaverkin má hafa bæði úti eða inni en þau gerði Ásta Óskarsdóttir, listamaður og fulltrúi í umhverfisnefnd Garðs.