Nýjast á Local Suðurnes

Vöknuðu við mikinn dynk þegar fullur ók á hús

Ölvaður ökumaður ók í fyrrinótt á hús í umdæmi lögreglunnar á Suðurnesjum. Íbúar í húsinu og nágrenni vöknuðu við mikinn dynk og sáu svo bifreið ekið frá húsinu. Nokkrar skemmdir urðu á því og einnig á bifreiðinni sem lögregla hafði fljótlega upp á. Ökumaðurinn játaði neyslu áfengis og jafnframt að hafa ekið á.

Þá voru sjö ökumenn kærðir fyrir of hraðan akstur í umdæminu um helgina. Sá sem hraðast ók mældist á 142 km hraða á Reykjanesbraut þar sem hámarkshraði er 90 km á klukkustund.