Vindasamt á þrettándanum
Veðurstofa Íslands spáir stormi með meðalvindi yfir 20 metra á sekúndu syðst á landinu á morgun, á Suðurnesjum má gera ráð fyrir 14-16 metrum á sekúndu samkvæmt spákortum Veðurstofunnar. Hvessa fer í nótt og fyrramálið og verður austan 13-23 metrar á sekúndu um hádegi á morgun, hvassast syðst. Með kvöldinu hlánar með rigningu um landið sunnan- og austanvert á morgun.
Á fimmtudag spáir Veðurstofan svo rigningu með S-ströndinni, en úrkomulítið í öðrum landshlutum. Hiti 0 til 7 stig, hlýjast á SV-landi.