Um 500 manns komu í fjöldahjálparmiðstöð
Tæplega 200 manns gistu í fjöldahjálparmiðstöð Rauða krossins í íþróttahúsinu við Sunnubraut í Reykjanesbæ í nótt en alls komu um 500 manns í hjálparmiðstöðina.
Fjöldahjálparmiðstöðin var opnuð um klukkan 21 í gærkvöldi vegna ástandsins á Reykjanesbraut og Keflavíkurflugvelli.
Rauði krossinn hafði yfirumsjón með verkefninu, sem þótti takast vel og naut aðstoðar björgunarsveita og starfsfólks Icelandair. Samkvæmt fréttum er verkefnið það stærsta sem Rauði krossinn hefur ráðist í á Suðurnesjum.
Mynd: Rauði krossinn