Tvö fjórhjólaslys á Suðurnesjum
Lögreglunni á Suðurnesjum barst í gær tilkynning um fjórhjólaslys við Hópsnes. Erlendur ferðamaður hafði misst stjórn á hjólinu með þeim afleiðingum að hann handleggsbrotnaði í slysinu.
Er þetta annað fjórhjólaslysið í umdæminu í vikunni. Í hinu fyrra var tvennt á hjólinu. Ökumaðurinn hafði misst stjórn á hjólinu með þeim afleiðingum að það valt yfir bæði ökumann og farþega. Fólkinu var komið undir læknishendur en meiðslin eru ekki alvarleg.