Tveir snarpir skjálftar við Grindavík
Tveir snarpir jarðskjálftar urðu rétt austan við fjallið Þorbjörn skömmu fyrir hádegi. Skjálftarnir voru 2,8 og 3,0 að stærð og voru um 15 sekúndur á milli þeirra.
Skjálftanna varð vart í Grindavík, en nokkur skjálftavirkni hefur verið á svæðinu síðustu vikur í tengslum við landris við Þorbjörn.
Óvissustig vegna landriss er enn í gildi hjá almannavarnadeild Ríkislögreglustjóra.