Tveir fluttir á HSS eftir bílveltu

Tveir voru fluttir með sjúkrabifreið á Heilbrigðisstofnun Suðurnesja í fyrrakvöld eftir að bílvelta varð á Suðurstrandarvegi. Meiðsl þeirra reyndust ekki alvarlegs eðlis. Mikil hálka var á vettvangi þegar óhappið varð.

Áður hafði orðið umferðaróhapp á Norðurljósavegi þegar ökumaður missti bifreið sína út af og hafnaði hún í hrauninu við veginn. Ökumaður slapp ómeiddur en bifreiðin var talsvert tjónuð.