Forstjóri Heilbrigðisstofnunnar Suðurnesja, Markús Ingólfur Eiríksson, telur að færa þurfi þjónustu heilsugæslunnar nær íbúum en nú er og til að ná því takmarki telur Markús að reisa þurfi heilsugæslustöðvar í Innri-Njarðvík og Suðurnesjabæ. Þá telur Markús að bæta þurfi þjónustuna í Keflavík, en í kynningu sem forstjórinn flutti á aðalfundi Öldungaráðs Suðurnesja á dögunum kom fram að sú vinna sé þegar hafin. Í kynningunni kemur fram að helsta vandamál heilsugæslunnar sé skortur á húsnæði en að ýmislegt sé hægt að gera til að flýta fyrir afgreiðsu. Þannig hefur verið sett upp teymisvinna á heilsugæslunni málum hagað þannig að hægt verði að leys fleiri erindi í gegnum síma, því fylgi mikið hagræði sem gerir það að verkum að brýn erindi komist fyrr að. Þá segir forstjórinn að heilsugæslan þurfi að vaxa í takt við fjölgun íbúa og því þyrfti að reisa heilsugæslustöðvar í Innri-Njarðvík og Suðurnesjabæ. Þá þarf að bæta þjónustu við íbúa í Vogum, en þar er hjúkrunarfræðingur á vakt einn dag í viku eins og staðan er í dag. Í kynningunni sagði Markús einnig að fyrir gríðarlega fólksfjölgun hafi Heilbrigðisstofnunin staðið á veikum stoðum, en tók fram að fáliðað starfsfólk hafi nánast unnið kraftaverk við að halda uppi góðri þjónustu. [...]