Stefnt að því að setja upp varahitaveitu á Fitjum - Local Sudurnes
Stefnt er að því að endurvekja lághitaholur með 70 til 100 gráða heitu vatni á Fitjum í Reykjanesbæ, í nágrenni við spennistöð HS Veitna þar, með það fyrir augum að koma upp eins konar varahitaveitu. Frá þessu greinir Kjartan Már Kjartansson bæjarstjóri Reykjanesbæjar í samtali við Morgunblaðið. „HS Orka, Ísor og HS Veitur eru að rannsaka og undirbúa og kanna svæði sem var áður þekkt og var lághitasvæði í kringum 1970,“ segir bæjarstjóri. „Þetta er miklu nær okkur en Svartsengi […] og við bindum miklar vonir við að þarna verði hægt að koma upp varahitaveitu sem alla vega ætti að geta annað einhverju ef þetta gerist aftur,“ heldur Kjartan áfram og vísar til heitavatnsleysis Suðurnesjabúa í kjölfar rofs Njarðvíkuræðar í gosinu. Ekkert sé þó ljóst um það hvenær holur þessar verði komnar í gagnið ef af verður, segir í umfjöllun Morgunblaðsins. Meira frá SuðurnesjumVegavinnufólk í lífshættu – Hraðakstur vegfarenda skapar stórhættuSkálað í vatni við verklokOrkuinnviðir ekki í hættuMilljarðarnir streyma í vasa hluthafa HS Orku – Greiða 1,4 milljarða í arðFramlengja niðurfellingu raforkugjaldaHafa áhyggjur af orkunotkun um kvöldmatarleytiðVíða rafmagnslaust á SuðurnesjumLánuðu fjórgasmæla og fengu vandaða tölvuskjái að gjöfNotkun komin yfir þolmörk – Biðla til íbúa að fara sparlega með rafmagnUm 3.000 [...]