Stakk lögreglu af en skildi fullan bíl af þýfi eftir

Lögreglan á Suðurnesjum hafði í fyrrinótt upp á bifreið sem hafði verið tilkynnt stolin á höfuðborgarsvæðinu. Þegar ökumaðurinn varð lögreglu var gaf hann í. Lögreglumenn óku í humátt á eftir honum og sáu skömmu síðar hvar bifreiðinni hafði verið lagt en ökumaðurinn var á bak og burt. Í aftursæti hennar var verkfærataska og ýmsir munir sem talið er vera þýfi. Bifreiðin var óskemmd.

Í gær var svo tilkynnt um innbrot í bifreið og var búið að stela ýmsum munum úr henni auk þess sem skemmdir höfðu verið unnar á henni.