Nýjast á Local Suðurnes

Sögðu upp tveimur reynsluboltum – Leita nú að leiðtoga

Isavia leitar að leiðtoga til að taka við nýrri stöðu framkvæmdastjóra stafrænnar þróunar og upplýsingatækni. Fyrirtækið sagði á dögunum upp tveimur  reyndum framkvæmdastjórum vegna skipulagsbreytinga.

Framkvæmdastjóri stafrænnar þróunar og upplýsingatækni þarf að búa yfir reynslu í stjórnun og hafa góða þekkingu á rekstri og viðskiptum.

Þá kemur viðkomandi til með að leiða þróun stafrænna lausna til að bæta þjónustu við viðskiptavini og auka skilvirkni í rekstri félagsins með hliðsjón af stefnu og markmiðum Isavia. Framkvæmdastjóri vinnur náið með öðrum sviðum Isavia við að greina stafræn tækifæri. Framkvæmdastjóri ber einnig ábyrgð á þróun og rekstri núverandi upplýsingakerfa Isavia.

Svið stafrænnar þróunar og upplýsingatækni er breytingarafl í stafrænni vegferð og upplýsingatæknimálum Isavia. Framkvæmdastjóri heyrir beint undir forstjóra, situr í framkvæmdastjórn félagsins og tekur þátt í stefnumótun þess og innleiðingu stefnu.

Um er að ræða einstakt tækifæri til að leiða umbyltingu í stafrænni þróun og upplýsingatæknimálum Isavia til framtíðar.

Helstu verkefni

• Leiða stafræna þróun og umbyltingu Isavia

• Þróa nýjar stafrænar lausnir og þjónustur

• Taka þátt í stefnumótun og markmiðasetningu Isavia

• Bera ábyrgð á rekstri tölvukerfa og stafrænna lausna

Hæfniskröfur

• Afburða leiðtogahæfni og reynsla af stjórnun og rekstri nauðsynleg

• Mikil samskiptahæfni og metnaður

• Frumkvæði, lausnamiðuð hugsun og nýsköpun

• Víðtæk reynsla og þekking á viðskiptum og stafrænni vöruþróun