Skúrir og þokumóða næstu daga - Hlýnar þegar líður á vikuna - Local Sudurnes
Frekar svalt verður í veðri næstu daga, ef eitthvað er að marka spá Veðurstofunnar fyrir vikuna, en þar á bæ búast menn við Vestan golu eða kalda í dag á Suðurlandi, en bjartviðri og hlýtt verður austan til á landinu, annars skýjað og víða þokumóða. Litlar breytingar á veðri á morgun, en fer að rigna um kvöldið. Veðurspá fyrir næstu daga Vestanátt í dag, víða 5-10 m/s. Skýjað og hiti 5 til 12 stig, en bjartviðri með hita að 18 stigum A- og SA-lands. Svipað veður á morgun, en kólnar heldur A-lands. Dálítil rigning annað kvöld og hvessir á Vestfjörðum. Á þriðjudag: Vestlæg átt, 5-10 m/s og skýjað en úrkomulítið. Hiti 5 til 13 stig, hlýjast á SA-landi. Dálítil rigning um kvöldið, en vaxandi norðaustanátt með slyddu NV-lands. Á miðvikudag: Norðaustan 13-23 m/s, hvassast NV-til. Rigning eða slydda, en snjókoma til fjalla á N-verðu landinu. Hiti 0 til 8 stig, mildast SV-lands. Á fimmtudag: Allhvöss eða hvöss austan- og norðaustanátt. Rigning eða slydda, einkum SA-til. Áfram svalt í veðri. Á föstudag og laugardag: Austanátt, rigning með köflum og hlýnar í veðri. Á sunnudag: Suðaustanátt og smáskúrir, en þurrt N-lands Meira frá SuðurnesjumVeðurguðirnir senda ískaldar jólakveðjurVeðurstofan varar við mikilli rigninguLéttir til [...]