Rýmri heimildir fyrir Grindvíkinga - Local Sudurnes
Ríkislögreglustjóri hefur ákveðið, í samráði við lögreglustjórann á Suðurnesjum, að íúar í Grindavík fái rýmri heimildir til þess að fara inn í bæinn til að sækja eigur sínar en verið hefur. Þetta kemur fram í tilkynningu og segir þar ákvörðunin hafi verið tekin í kjölfar nýrra upplýsinga frá Veðurstofu Íslands. Líkur á skyndilegri gosopnun innan bæjarmarka Grindavíkur hafi farið minnkandi með hverjum degi og að þær séu í dag taldar litlar. Einnig er tekið fram í tilkynningunni að öðrum sé óheimil för inn í bæinn. Eftirfarandi reglur eru látnar fylgja: Íbúum verður heimilt að fara inn í Grindavík næstu daga til að sækja verðmæti og huga að eigum sínum. Á meðan ekkert breytist til verri vegar verður Grindavíkurbær opinn íbúum frá klukkan 9 að morgni, til klukkan 16.00. Þá er bærinn rýmdur. Fimmtudaginn 23. nóvember opnar bærinn ekki fyrr en klukkan 11.00 sbr. þegar hættustig tekur gildi.Áfram er farið fram á að íbúar Grindavíkur skrái sig á island.is og fái þar heimild til þess að fara inn. Hún mun berast án tafar.Grindavík er lokuð fyrir óviðkomandi umferð.Fjölmiðlum er heimilaður aðgangur. Meira frá SuðurnesjumFá fimm mínútur til að sækja nauðsynjar – Svona fer aðgerðin fram!Grindvíkingum ekki hleypt inn í bæinn um [...]