Nýjast á Local Suðurnes

Reykjanesbær hækkar hvatagreiðslur

Hvatagreiðslur til íþrótta- og tómstundaiðkunar barna verða hækkaðar á næsta ári úr 15.000 þúsund krónum í 21.000 á hvert barn. Greiðslurnar voru þriðjungur þeirra upphæðar í byrjun kjörtímabils eða 7000 krónur. Þetta er aðeins eitt af fjölmörgum góðum verkefnum sem farið verður í á næsta ári.

Auk hækkunar á hvatagreiðslum til íþrótta- og tómstundaiðkunar barna verður hugað að úrbótum á aðstöðu í íþróttamannvirkjum Reykjanesbæjar, s.s. í Bardagahúsinu við Iðavelli og aðstöðu til upphitunar-, styrktar- og teygjuæfinga, s.k. þurr æfinga, sundfólks ÍRB.