Ráðið tímabundið í stöðu byggingarfulltrúa Reykjanesbæjar
Sveinn Björnsson byggingafræðingur og löggiltur aðalhönnuður hefur tekið tímabundið við stöðu byggingarfulltrúa Reykjanesbæjar. Þetta kemur fram í tilkynningu á vef sveitarfélagsins.
Sveinn hefur á undanförnum árum starfað við eignaumsýslu hjá Reykjanesbæ. Sveinn hefur margs háttar reynslu af byggingafræði og starfaði um skeið sem byggingarfulltrúi í Stykkishólmi. Sveinn hefur auk þess unnið hjá Tækniþjónustu SÁ ehf., OMR verkfræðistofu ehf., THG Arkitektum ehf., Almennu Verkfræðistofunni hf. og verið sjálfstætt starfandi.
Byggingafulltrúi Reykjanesbæjar sagði upp störfum á dögunum, eftir að í ljós kom að byggingar United Silicon í Helguvík væru of háar miðað við gildandi deiliskipulag.