Opna upplýsingavef um Covid – Fjöldi fólks í sóttkví á Suðurnesjum stendur í stað
Landlæknisembættið og Almannavarnir hafa opnað vefsíðu þar sem er að finna upplýsingar um Covid-19 á Íslandi. Þar er að finna allar nýjustu fréttir, tilkynningar, góð ráð, upplýsingar um viðbrögð á Íslandi og tölfræði.
Á tölfræðihluta síðunnar má finna upplýsingar um fjölda þess fólks sem er í sóttkví eftir landsvæðum. Þar má sjá að fjöldi þeirra einstaklinga sem eru í sóttkví á Suðurnesjum hefur staðið í stað á milli daga og voru 21 einstaklingur í sóttkví á Suðurnesjum. Ekkert smit hefur greinst á Suðurnesjum hingað til.