Nýir strætóar: Parketlagðir með góðu aðgengi fyrir fatlaða – Myndir!
Hópferðir Sævars Baldurssonar taka við rekstri almenningsvagna í Reykjanesbæ júní næstkomandi, en fyrirtækið átti lægra tilboðið af tveimur í þjónustuna þegar verkið var boðið út í janúar síðastliðnum. Fyrirtækið festi á dögunum kaup á fjórum nýjum almenningsvögnum, af gerðinni Mercedes Benz, sem notaðir verða við akstur í sveitarfélaginu.
Athyglisvert: Vantar snjóþotu? Og það strax! Sendum frítt á Suðurnesjum – Samdægurs!
Vagnarnir eru glæsilegir í alla staði, eins og sjá má á meðfylgjandi myndum, og er meðal annars lögð mikil áhersla á að aðgengi fyrir fatlaða sé með besta móti. Þá eru gólf hinna nýju vagna parketlögð og rými fyrir farþega sem ferðast með barnavagna, eða annan farangur, með því besta sem gerist.