Nóg um að vera hjá Björgunarsveitinni Suðurnes

Það má með sanni segja að um þessa helgi sé nóg um að vera hjá Björgunarsveitinni Suðurnes. Átta félagar frá sveitinni tekið þátt í leitinni af Herði Björnssyni á höfuðbogarsvæðinu en einn hópur hefur verið við leit m.a í hellum víðsvegar á höfuðborgarsvæðinu. Tveir aðgerðarstjórnendur taka einnig þátt í skipulagningu á leitinni.

Í húsi sveitarinnar og höfnum sveitarfélagsins er svo í gangi 8 daga námskeið í köfun sem byggist upp á að þjálfa kafara sveitarinnar í leitar og björgunarköfun. Einnig er verið að þjálfa svokallaða yfirborðsmenn sem sjá um samskipti við kafara þegar að hann er við köfun en þau samskipti fara fram í gegnum línu sem tengd er við kafarann.