Nýjast á Local Suðurnes

Nemendur fá ókeypis skólamáltíðir

Vegna þeirra aðgerða sem gripið hefur til í grunnskólum og þeirra áhrifa sem þær hafa haft á framkvæmd skólamáltíða hafa Reykjanesbær og Skólamatur átt gott samtal.

Ákveðið hefur verið:

  • að allir nemendur í grunnskólum fái einfalda máltíð á þeim dögum sem þeir eru í skólanum frá og með 23. mars og á meðan á takmörkun á skólahaldi stendur
  • engir reikningar verða sendir út fyrir apríl eða á meðan á takmörkuninni stendur
  • þeir reikningar sem foreldrar hafa greitt vegna áskrifta í mars verða endurreiknaðir frá og með 16. mars. Nánari útfærsla verður kynnt um leið og hún liggur fyrir

Það er því ekki þörf á því að segja upp áskrift hjá Skólamat vegna þessarar takmörkunar sem nú er á skólahaldi, segir í tilkynningu frá Reykjanesbæ.

Skólamatur hefur unnið hörðum höndum að því að aðlaga sig að breyttum aðstæðum til þess að geta áfram boðið nemendum upp á hollan og fjölbreyttan mat. Matseðil fyrir næstu viku má finna á heimasíðu Skólamatar: www.skolamatur.is