Lögregla og björgunarsveitir leita manns – Uppfært: Maðurinn er fundinn
Lögreglan ásamt björgunarsveitum á Suðurnesjum leita að Silwester Krzanowaski fæddum 1979 í Póllandi. Hann er talinn vera miðsvæðis í Reykjanesbæ, þó er það ekki öruggt að því er segir í tilkynningu lögreglu, en óttast er að hann geti orðið úti í nótt, en hann á við andleg veikindi að stríða.
Lögreglan biður fólk meðal annars að kíkja í bakgarðinn hjá sér og láta vita ef fólk verður vart við hann.
Hann er klæddur í gallabuxur, dökka skó, svarta úlpu, hugsanlega með svarta vettlinga. Hann er sagður meðalmaður á hæð og grannur. Hægt er að hafa samband við lögreglu á Facebook og í síma 444 2200.