Kröftugur skjálfti á Reykjanesi – Búast við áframhaldandi hviðum
Kröftugur jarðskjálfti varð á Reykjanesskaga klukkan 17.06. Skjálftinn varð um tvo km norðaustur af Fagradalsfjalli og var 4,2 að stærð.
Skjálftinn fannst vel á öllu Reykjanesinu, sem og höfuðborgarsvæðinu, segir á vef veðurstofu.
Á Facebook-síðu almannavarna vegna skjálftahrinu og mögulegra eldsumbrota á Reykjanesskaga segir að gera megi ráð fyrir áhlaupum og jarðskjálftahviðum áfram.