Á dögunum skrifuðu nokkrir leikmenn undir samninga við Körfuknattleiksdeild Grindavíkur. Ber þar hæst að Íris Sverrisdóttir hefur tekið fram skóna á ný og snýr aftur heim til Grindavíkur eftir að hafa leikið síðast með Haukum. Þá skrifaði Daníel Guðni Guðmundsson formlega undir sinn samning en hann mun þjálfa liðið næstu tvö ár og jafnframt spila með karlaliðinu. Við samningaborðið – Mynd: Grindavik.is Þá skrifuðu 3 ungar og efnilegar stelpur einnig undir 2 ára samninga en það eru þær Halla Garðarsdóttir, Hrund Skúladóttir og Jeanne Sicat. Stjórn Körfuknattleiksdeildar UMFG bindur miklar vonir við stelpurnar og Daníel. Það hlýtur að vera þjálfaranum nokkur léttir að fá Írisi til liðs við hópinn enda hefur kvarnast nokkuð úr honum frá síðasta ári. Pálína Gunnlaugsdóttir skrifaði á dögunum undir hjá Haukum og þá er óvíst hvenær þær María Ben og Ingibjörg Jakobsdóttir komast aftur af stað þar sem María er ólétt og Ingibjörg að jafna sig eftir meiðsli. Meira frá SuðurnesjumGrindavík heldur áfram að næla í sterka leikmennKeflavík og Njarðvík slíta samstarfi í fótboltanum – Góður árangur undanfarin árStórsigur í lokaleiknum hjá KeflavíkFarþegafjöldi Icelandair á þessu ári kominn yfir þrjár milljónirKeilir útskrifar 126 nemendur – 157 atvinnuflugmenn hafa útskrifast frá upphafiFimm Íslandsmeistaratitlar til Keflavíkur í [...]