Kettir komu íbúum til bjargar í bruna á Ásbrú
Eldur kviknaði í íbúð á Ásbrú í Reykjanesbæ á tíunda tímanum morgun, að sögn lögreglu voru það kettir sem komu íbúum til bjargar en mæðgur sem voru í íbúðinni komust út heilar á húfi. Þrír kettir þurftu hins vegar á súrefni að halda eftir björgunina, að sögn lögreglunnar á Suðurnesjum.
Mæðgurnar komust út úr íbúðinni en lögreglan bjargaði þremur köttum út úr íbúðinni og varð að gefa þeim súrefni þegar út var komið. Þetta kemur fram á vef Víkurfrétta.
Á vef Víkurfrétta kemur einnig fram að kettirnir hafi fundist á svefnherbergisgólfi og voru þeir hálf lífvana enda mikill og þykkur svartur reykur um alla íbúð.