Jóhann Friðrik Friðriksson hefur verið ráðinn nýr framkvæmdastjóri Keilis – miðstöðvar vísinda, fræða og atvinnulífs, í stað Hjálmars Árnasonar sem lætur af störfum í sumar eftir 12 ára starf. Jóhann, sem nú starfar sem fagstjóri sálfélagslegra þátta hjá Vinnueftirlitinu, lauk BA prófi í heilbrigðisvísindum og meistaraprófi í lýðheilsuvísindum frá Arnold School of Public Health við University of South Carolina. Jóhann starfaði áður sem stjórnandi klínískra og akademískra rannsóknateyma og sem vísindamaður við taugalæknadeild og lýðheilsudeild sama skóla. Hann hefur einnig starfað sem verkefnastjóri við vísindastofnanir í Bandaríkjunum og unnið að sjálfstæðum ráðgjafaverkefnum þar og hér heima. Jóhann hefur haldið fjölda námskeiða og fyrirlestra á sínu fagsviði. Hann er búsettur í Reykjanesbæ ásamt fjölskyldu sinni þar sem hann gegnir m.a. embætti forseta bæjarstjórnar Reykjanesbæjar. Meira frá SuðurnesjumFöstudagsÁrni: Epalhommaumræða á lágu planiKeflvíkingar styrkja hópinn – Stefnan sett á Pepsí-deildinaGunnar Víðir tekur við markaðsmálunum hjá ReykjanesbæGrunnskóli Grindavíkur tekur þátt í verkefninu Lítill skóli – margir möguleikarEinn gerði athugasemdir við deiliskipulagstillögur vegna Hafnargötu 12Páll Axel tekur við GrindavíkSkoskur varnarmaður til KeflavíkurBirgir leiðir lista Miðflokksins í Suðurkjördæmi – Sex af Suðurnesjum á listanumReykjanesbær kemur vel út í nýrri þjónustukönnunÁrni Sigfússon á 300 bæjarstjórnarfundi að baki