Hundur handsamaður – Myndaður við að japla á hænu
Það óhapp varð í umdæmi lögreglunnar á Suðurnesjum í vikunni að hundur komst í hænur og drap tvær þeirra.
Nágranni hænsnaeigenda náði að mynda atvikið og á myndinni sást hundurinn vera að japla á annarri hænunni. Hann var síðan handsamaður og færður til Heilbrigðiseftirlits Suðurnesja. Hann reyndist vera óskráður en mun vera kominn til eiganda síns.