Nýjast á Local Suðurnes

Grunaður um fíkniefnaakstur með ýmislegt fleira óhreint í pokahorninu

Mynd: Lögreglan á Suðurnesjum

Ökumaður, sem lögreglan á Suðurnesjum stöðvaði nýverið vegna gruns um fíkniefnaakstur reyndist hafa ýmislegt fleira óhreint í pokahorninu. Við leit í bifreið hans og á heimili, að fenginni heimild, fundust kannabis og amfetamín. Hann viðurkenndi fíkniefnaneyslu við skýrslutöku hjá lögreglu.

Annar ökumaður, sem einnig var tekinn úr umferð af sömu ástæðu, viðurkenndi neyslu á kókaíni, amfetamíni og MDMA þegar lögreglumenn ræddu við hann.

Þá voru á annan tug ökumanna kærðir fyrir of hraðan akstur og afskipti höfð af allmörgum ökumönnum vegna fíkniefna – eða ölvunaraksturs eða hvoru tveggja. Voru fáeinir þeirra ökuréttindalausir að auki.

Skráningarnúmer voru fjarlægð af fjórum bifreiðum sem voru óskoðaðar eða ótryggðar.