Framkvæmdir á Sandgerðisvegi á þriðjudag
Stefnt er á að malbika tvo kafla á Sandgerðisvegi á morgun þriðjudag. Hjáleið verður um Garðskagaveg á meðan á framkvæmdum stendur.
Um er að ræða 800m kafla á Sandgerðisvegi á milli Reykjanesbrautar og Miðnesheiðarvegar og 600m kafla við gatnamót hjá Miðnesheiðarvegi.
Sandgerðisvegur og Miðnesheiðarvegur verða lokaðir og hjáleið verður um Garðskagaveg.
Áætlað er að framkvæmdirnar standi frá kl. 08:00 til kl. 20:00.
Vegfarendur eru beðnir um að virða merkingar og hraðatakmarkanir og sýna aðgát við vinnusvæðin. Vinnusvæðin eru þröng og menn og tæki eru við vinnu mjög nálægt akstursbrautum.