Nýjast á Local Suðurnes

FöstudagsÁrni er hissa á Ásmundi Friðrikssyni og Hildi Lilliendahl

Ég er hissa á stórvini mínum Ásmundi Friðrikssyni þingmanni að ráðast með þeim hætti að eins stórum vinnustað og Símanum. Rúmlega 800 manna vinnustaður er nánast lagður í einelti af stjórnmálamanni getur varla talist eðlilegt að mínu mati, og vil ég ekki draga á það dulur að ég er starfsmaður Símans. Þessi leið sem var farin í útboði Símans er langt í frá einsdæmi í íslensku viðskiptalífi og ég hef ekki séð að Ásmundur hafi kvatt þjóðina til að sniðganga þessi fyrirtæki. Er það flott hjá stjórnmálamanni að níða orðstýr fyrirtækis í von um einhverjar sekúndur í fréttunum. Ég minni Ása á að hann er í vinnu hjá þjóðinni sem vill betri lífskjör, sterkara heilbrigðiskerfi og framvegis en viðum ekkert að borga þér fyrir ráðgjöf á internetsþjónustu.

Árni Árna

Árni Árna

Gísli Marteinn varð að biðjast afsökunar á orðum sínum eftir að hafa verið tekin af lífi í orrahríð landsbyggaðfólks. Gísli hafði fyrir afsökunarbeiðnina þá skoðun að betra væri oað borga fólki á Neskaupsstað að flytja suður en að eyða háum fjármunum í snjóvarnargarða. Umræðan náði hæstu hæðum sem varð til þess að fyrrum ungfrú heimur 1988 reis úr ösku sinni og kvæsti á lýðinn. Allt í góðu að Gísli hafi þessa skoðun og ég hef nú ekki vitað til þess að landsbyggðafólk hafi beðist afsökunar á mörgu sem til hefur fallið í gegnum tíðina um höfuðborgarsvæðið. Elliði vinur minn í eyjum hefur nú djúplega tekið á árinni stundum svo eftir því sé tekið, en aldrei beðist afsökunar á sínum skoðunum. Það hlýtur að vera í lagi að vera með smá landsfjórðungs- rembing við og við, síðast hjó Elliði í Þjóðleikhúsið sem er okkur afar kært í borginni. En Gísli er kominn undir pislfaldin hjá frú Lindu og liggur þar eins o hvolpur í von um að landsbyggðin fyrirgefi.

Sanddæluskipið Perla sökk í Reykjavíkurhöfn og umstangið og fréttaflutningurinn hefur verið með ólíkindum. Margoft beinar útsendingar frá höfninni þar sem vindhanar fóru yfir að þetta yrði nú lítið mál að hífa flakið á flot aftur. Síðan eru liðin mörg ár – eins og sagt er í laginu og en hvílir Perla á hafsbotni viku síðar og snillingarnir klóra sér í hausnum. Erlendis bjarga þeir heilu skemmtiferðaskipunum af hafsbotni en hérna stefnir í að hengd verði bara jólasería í mastrið sem marrar hálft í kafi.

Ræstingafólk á heilbrigðisstofnunum hefur verið fengið til að moka ólyfjan upp í sjúklinga þar sem faglærðir hreinlega treysta sér ekki til að gefa lyf. Það má nú ekki gera gín af þessu máli, en auðvitað er það bagalegt að eiga í hættu að axla ábyrgð á gjörðum sínum. Auðvitað á ekki að kæra heilbrigðisstarfsfólk, nema um vítavert kæruleysi hafi verið að ræða. En ég spyr bara, er betra að kæra ófaglærða ? Þetta hljómar svona eins og það sé nú í lagi að fórna þeim og hlífa hinum.

Skelfilegt mál setti samfélagsmiðla og fjölmiðla á hliðina í vikunni. Skelfilegt kynferðisafbrotamál þar sem dómstóll götunnar tók völdin. Myndbirtingar af einstaklingum sem enn hafa ekki hlotið dóm og ekki vitað hvort þeir munu verða dæmir er ekki hentug leið í baráttunni gegn glæpum. Ekki skánaði það þegar lögfræðingar beggja aðila hófu orrahríðina í fjölmiðlum og kærur og kröfur um afsökunarbeiðni rigna yfir, skaðar þetta ekki málið? Við verðum að tóna okkur niður við erum orðin svo mikið litla USA.

Þá voru tveir erlendir gestir sem komu á Airwaves um síðustu helgi sem misstu það út úr sér að íslenskar konur væru að drukkna í skyndibita og aukakílóin væru of mörg. Þeir fengu kaldar kveðjur frá Hildi í Litladal sem sagði þeim að troða frönskunum upp í rassgatið á sér – flott kveðja frá starfsmanni Reykjavíkurborgar til erlendra gesta í borginni. Hvernig var það, var eineltið sem hún stóð sjálf fyrir ekki á þessa veruna líka? Hún er kannski með einkaleyfi frá borginni til að níða fólk niður, en eitt er víst að hún virkar á mig eins og hatursfull manneskja sem getur ekki slakað á og notið lífisins, sorglegt, ekki satt ? En íslenskar konur þið eruð æði alveg eins og þið eruð.

aukakilo

Aukakílóin á íslenskum konum eru of mörg að mati tveggja gesta Airwaves hátíðarinnar – Þeir fengu á baukinn á samfélagsmiðlunum

Mikill mannfögnuður átti sér stað fyrir norðan þegar Geir snéri heim frá Bandaríkjunum. Hann hefur verið búettur þar um árabil og síðustu 17 ár hefur hann setið inni fyrir grófa líkamsárás. Hann upplifði að fara á netið í fyrsta skiptið og fékk fyrsta farsímann sinn. Þetta er athyglisvert að detta inn í nútímann með allri þeirri tækni sem því fylgir. Ég geri mér fulla grein fyrir því að Geir hefur tekið út sína refsingu og allir eiga skilið annað tækifæri í lífinu. Samt fannst mér skrítið að það sé bara „Velkominn heim“ partý, þetta er eins og hann hafi farið til tunglsins og því beri að fagna. Þetta er að vísu ekki eins dæmi, þar sem ég lenti óvænt í partýi í Garðabæ með háskólafélögum mínum og þetta var í glæsilegu húsi og mikið fjör. Þá rak ég augun í borða sem stóð á „velkominn heim“ og ég fór að spyrjast fyrir og hélt að viðkomandi hafi verið að snúa heim eftir nám erlendis. Nei þá var hann að losna af litla Hrauni og félagarnir ákváðu að taka ærlega á móti honum. Ég var eins og kálfur að fagna komu eiturlyfjabarons í Garðabæ eins og ekkert sé. Ég var fljótur að lýsa yfir vanþóknun minni og draga félaga mína út, sem skyldu ekkert í látunum í mér yfir þessu. Kannski er þetta bara hinn eðlilegasti hluti og þetta er kannski hugmynd fyrir partýbúðina að selja varning tengdum fangavist. Pappahandjárn og kylfur, rimla úr plasti og framvegis.

Það þykir orðið old news að píratar sé stærsti stjórnmálaflokkurinn og ekki má birta frétt með fyrirsögninni Sjálfstæðisflokkurinn bætir við sig fylgi og alls ekki má vekja athygli á þeirri staðreynd að Samfylkingin er að verða komin niður í styrkleika bjórsins. Þá voru góð ráð dýr og því teflt fram að stuðningur við ríkisstjórnina er bara um tæp 40% – já það kemur mér á óvart miðað við þau verkefni sem ríkisstjórnin hefur staðið að fyrir almenning í landinu. Yfirvofandi sattalækkanir hafa gefið það góðan byr að verslanir hafa verið að lækka á undan áætlun í von um að meira verði úr jólaverslun hér heima fyrir. Verslunareigendur mættu líka aðeins draga úr smjörhnífnum og leggja sitt að mörkum. Ég vatt mér inn í eina verslun á dögunum, sá það jólahring sem ég taldi að tæki sig vel út í glugganum hjá mér. Ég hröklaðist út þegar ég komst að því að jólaljósahringurinn, þar að segja sería á vír kostaði 40.000 kr. Ég sem ætlaði að kaupa tvö stykki, en þá var þetta víst design sko – ég þakka fyrir að hafa ekki flogið á hausinn á handahlaupunum út úr búðinni, 80.000 í jólaljós er ekki á dagskrá, þetta er næstum því úlpa í 66° !