Finndu út hvar er best að búa á Suðurnesjum - Local Sudurnes
Viðskiptaráð hefur opnað nýjan örvef þar sem mögulegt er að bera saman kostnaðinn við að búa í mismunandi sveitarfélögum. Á vefnum er hægt að setja inn upplýsingar um forsendur út frá búsetu, fjölskyldusamsetningu, launatekjum og stærð húsnæðis. Í tilkynningu frá Viðskiptaráði kemur fram að hægt sé að sjá yfirlit yfir skatta, gjöld og skuldir sveitarfélaganna. Einnig er hægt að bera niðurstöðurnar saman við landsmeðaltal og stilla upp samanburði á milli ákveðinna sveitarfélaga, að því er kemur fram í tilkynningunni. Í tilkynningu Viðskiptaráðs er tekið dæmi um eftirfarandi fjölskyldu: Foreldrar og tvö börn Samanlögð laun foreldranna eru 1 milljón króna á mánuði fyrir skatt Annað barnið er á leikskóla og hitt í grunnskóla Fjölskyldan býr í 100 fm íbúð í Reykjavík Þegar upplýsingar um fjölskylduna eru slegnar inn kemur í ljós að af sveitarfélögunum á Suðurnesjum sé best að búa í Garði sem lendir í 15. sæti á landsvísu, Reykjanesbær er í 42. sæti yfir þau sveitarfélög þar sem hagstæðast er fyrir fjölskylduna að búa, Sandgerðisbær í 52. og Grindavíkurbær í því 57.. Miðað við gefnar forsendur fjölskyldunnar væri hagstæðast að búa í Grímsnes- og Grafningshreppi en óhagstæðast að búa á Grundarfirði. Meira frá SuðurnesjumBest að búa í Grindavík – Reykjanesbær neðstur á listaMikill [...]