Nýjast á Local Suðurnes

Ferðamaður á hraðferð stöðvaður af lögreglu

Nokkrir ökumenn hafa verið kærðir fyrir brot á umferðarlögum, þar á meðal hraðakstur, á undanförnum dögum í umdæmi lögreglunnar á Suðurnesjum. Sá sem hraðast ók mældist á 140 km hraða á Reykjanesbraut þar sem hámarkshraði er 90 km á klukkustund. Þar var á ferðinni erlendur ferðamaður.

Þá voru þrír ökumenn stöðvaðir vegna gruns um akstur undir áhrifum fíkniefna. Enn fremur voru skráningarnúmer fjarlægð af fjórum bifreiðum sem ýmist voru óskoðaðar eða ótryggðar.