Enn tafir á Keflavíkurflugvelli vegna kjarabaráttu
Kjarabarátta flugumferðarstjóra við Isavia heldur áfram, en töluvert var um seinkanir á brottförum frá Keflavíkurflugvelli í morgun. Flestar seinkanirnar voru um 30 mínutur en dæmi voru um allt að tveggja tíma tafir.
Guðjón Arngrímsson, upplýsingafulltrúi Icelandair, segir í samtali við mbl.is, að seinkanirnar komi sér ekki á óvart. „Það voru miklar seinkanir á flugi þennan morguninn eins og marga undanfarna daga,“ segir Guðjón. „Það eru verkfallsaðgerðir í gangi sem valda röskun á flugi, þar virðist ekki vera neitt lát á. Því miður.“
Guðjón segir að á undanfarið hafi flugi seinkað um allt að einn til tvo klukkutíma. „Það er reglan frekar en undantekningin,“ segir hann.