Enn stefnt á að endurræsa kísilmálmverksmiðju - Local Sudurnes
Viðræður Arion banka og PCC ES um kaup síðarnefnda félagsins á eignum Stakksbergs, sem heldur utan um eignir kísilmálmverksmiðju í Helguvík, eru enn í gangi. Viðræðurnar hófust í byrjun árs og hafa því staðið í rúmlega átta mánuði. Fjallað er um málið á vef Kjarnans, en þar er haft eftir samskiptastjóra Arion banka að nokkrar vikur, frekar en mánuðir, séu í niðurstöðu. „Það er enn sem komið er ekkert fast í hendi. Samtalið er enn í gangi og ekki ljóst hvenær eða hvernig það endar. Þó myndi ég halda að við séum að horfa á nokkrar vikur fremur en nokkra mánuði.“ Enn er stefnt að því að endurræsa verksmiðjuna, en samkvæmt umfjöllun Kjarnans hófst mat á umhverfisáhrifum árið 2019 undir þeim formerkjum að gera endurbætur á henni, endurræsa hana og stækka með því að bæta þremur ljósbogaofnum við þann eina sem fyrir er. Matinu lauk með áliti Skipulagsstofnunar í lok síðasta árs. Meira frá SuðurnesjumUndirrituðu viljayfirlýsingu um kaup á kísilveriSkora á bankann að falla frá áformum um endurræsinguAfskriftakóngur stórgræðir á viðskiptum við KadecoBonneau klár í danska boltann – Fær leikheimild í lok ársFlugstöðin verður stærsti vinnustaður landsins – Erlendu starfsfólki fjölgarInnleiðing spjaldtölva í grunnskóla á áætlun – Mikill viðhaldskostnaðurReykjanesbær gerir [...]
