Enn í gæsluvarðhaldi vegna myndbirtinga á netinu – Fjöldi kæra á borði lögreglu
Erlendur karlmaður á fimmtugsaldri sem grunaður er um að hafa haldið úti vefsíðu með tugum mynda af stúlkum undir lögaldri, sem hann sagðist gera út í fylgdarþjónustu, hefur verið hnepptur í gæsluvarðhald og mun sæta því fram á föstudag, að minnsta kosti.
Fjöldi kæra hefur borist lögreglu frá foreldrum barna á hendur manninum, sem handtekinn var í síðustu viku, grunaður um að áreita ungar stúlkur og birta myndir af þeim á netinu. Þetta segir Jón Halldór Sigurðsson, lögreglufulltrúi hjá lögreglunni á Suðurnesjum við mbl.is. Rannsókn lögreglu miðar vel, að sögn Jóns Halldórs, sem segir foreldrar barnanna almennt vera ánægða með störf lögreglu og viðbrögð hennar.