Eldur í fjölbýlishúsi í Reykjanesbæ – Átta fluttir á sjúkrahús
Átta manns voru fluttir á sjúkrahús til meðhöndlunar vegna brunasára og hugsanlegrar reykeitrunar, eftir að eldur komu upp í fjölbýlishúsi við Hafnargötu í Reykjanesbæ í nótt.
Tilkynnt var um eldinn rétt fyrir klukkan þrjú í nótt, en samkvæmt frétt mbl.is hafði kviknað í þvottahúsi og stigagangi hússins. Að sögn lögreglunnar á Suðurnesjum var húsið rýmt og farið var með átta manns á sjúkrahús til meðhöndlunar vegna brunasára og hugsanlegrar reykeitrunar.
Um 30 manns búa í húsinu og var Rauði krossinn kallaður út og farið var með hinn hluta hópsins í fjöldahjálparstöðina á Iðuvöllum. Eldsupptök eru ókunn.