CRI stóð uppi sem sigurvegari í alþjóðlegri nýsköpunarsamkeppni
Íslenska tæknifyrirtækið Carbon Recycling International (CRI) stóð uppi sem sigurvegari í alþjóðlegri nýsköpunarsamkeppni, Sparkup challenge, sem finnska tæknifyrirtækið Wärtsilä stóð fyrir í Finnlandi. Verksmiðja CRI er í Svartsengi og markaðssetur fyrirtækið vörur sínar í Evrópu undir vörumerkinu Vulcanol. Fyrirtækið er hluti af Auðlindargarði HS Orku.
Keppnin miðaði að því að finna þá tæknilausn sem svarar best áskorunum sveiflukenndrar framleiðslu endurnýjanlegrar orku. CRI keppti til úrslita ásamt þremur öðrum fyrirtækjum sem voru valin úr hópi 70 fyrirtækja víða að úr heiminum sem skráðu sig til þátttöku.
Sigur í keppninni færir CRI 6,9 milljónir íslenskra króna auk tækifæria til frekara samstarfs við Wärtsilä, segir í tilkynningu á heimasíðu fyrirtækisins.