Byggja undirgöng fyrir gangandi vegfarendur við Fitjar á þessu ári
Vonir standa til þess að mögulegt verði að ljúka framkvæmdum við undirgöng fyrir gangandi vegfarendur með tengingu Ásbrúar við þjónustusvæði við Fitjar á þessu ári. Sviðsstjóri Umhverfis- og skipulagssviðs Reykjanesbæjar kynnti hugmyndir um undirgöng undir Reykjanesbraut fyrir Umhverfis- og skipulagsráði á fundi þess í vikunni.
Umhverfis- og skipulagsráð fagnar þessum áfanga og þakkar starfsmönnum sviðsins og sviðsstjóra fyrir góða framgöngu í þessu mikilvæga umferðaröryggisverkefni. Segir í fundargerð ráðsins.