Bláa Lónið er nýr þátttakandi í Vakanum

Bláa Lónið hlaut í dag viðurkenningu Vakans, gæða- og umhverfiskerfis ferðaþjónustunnar auk þess sem veitingastaðurinn Lava og Blue Café í Bláa Lóninu fengu sérstaka viðurkenningu. Bláa Lónið hefur um árabil verið í hópi bestu heilsulinda heims og hlotið fjölmargar alþjóðlegar viðurkenningar fyrir framúrskarandi aðstöðu og einstaka upplifun.

Bláa Lónið leggur áherslu á upplifun, gæði og öryggi og er viðurkenning Vakans enn frekari staðfesting á mikilvægi þessara þátta í starfsemi fyrirtækisins.

Markmiðið með VAKANUM er að efla gæði og öryggi í ferðaþjónustu á Íslandi með handleiðslu og stuðningi, ásamt því að byggja upp samfélagslega ábyrgð ferðaþjónustufyrirtækja

Guðrún Lísa Sigurðardóttir, öryggis- og gæðastjóri Bláa Lónsins og Magnea Guðmundsdóttir, upplýsingafulltrúi, tóku á móti VAKANUM fyrir hönd Bláa Lónsins. Þuríður Aradóttir Braun, verkefnastjóri Markaðsstofu Reykjaness, afhenti viðurkenninguna fyrir hönd Vakans og Ferðamálastofu.

VisitReykjanes.is greindi frá.