Nýjast á Local Suðurnes

Bílaleigubíl stolið og hann strípaður

Bifreið sem stolið var af bílaleigu í umdæmi lögreglunnar á Suðurnesjum fyrir nokkrum dögum fannst á malarplani á Ásbrú í vikunni.

Búið var að fjarlægja af og úr henni bæði afturljós, bæði framljós og grill, mælaborð, miðstöð og snertiskjá  sem útvarp og fleira var í.

Lögreglan á Suðurnesjum hefur málið til rannsóknar.